سياسة الخصوصية
آخر تحديث: نوفمبر 2026. الصفحة دي بتشرح بصراحة إيه اللي بيتخزن عندنا وليه. القاعدة العامة: أقل بيانات ممكنة، ومفيش بيع بيانات لأي طرف.
تصفح الموقع والبحث
البحث في القنوات بيشتغل داخل متصفحك من فهرس ثابت. لو بحثت عن عبارة وملقتش نتيجة، بتتسجل عندنا العبارة النصية بس (من غير أي معرف شخصي) عشان نعرف القنوات الناقصة أو الأسماء البديلة. «قائمتي» المحلية بتتخزن في متصفحك على جهازك، ومبتوصلش لينا إلا لو اخترت مزامنتها برمز أو بحسابك.
الحسابات
الحساب بيحتاج اسم مستخدم وكلمة مرور (بتتخزن مشفرة بتجزئة آمنة ومبنعرفهاش). الإيميل اختياري وبيستخدم لاسترداد كلمة المرور بس. قوائم قنواتك ومتابعاتك وتنبيهاتك بتتخزن مرتبطة بحسابك عشان تظهر في لوحتك، وتقدر تمسح القنوات من قائمتك في أي وقت.
تنبيهات المتصفح (Web Push)
لو فعّلت التنبيهات، بيوصّلنا عنوان اشتراك المتصفح ومفاتيح التشفير الخاصة بيه ورمز ملكية - من غير اسم أو إيميل - وبنستخدمهم بس عشان نبعتلك تنبيه لما قناة بتتابعها يتغير ترددها. إيقاف التنبيهات من متصفحك بيوقفها فورا.
دليل الفنيين
طلبات الانضمام للدليل بتحتوي بيانات النشاط اللي انت كتبتها (الاسم، المحافظة، المنطقة، أرقام التواصل، الخدمات) وبتتراجع قبل النشر؛ المنشور منها هو بيانات النشاط العامة بس، وأي طلب مرفوض مبيتنشرش.
ملفات تعريف الارتباط والتحليلات
بنستخدم كوكيز الجلسة اللازمة لتشغيل الحسابات والأمان. وبنستخدم تحليلات جوجل (Google Analytics) لقياس الزيارات وفهم استخدام الموقع، وإعلانات جوجل أدسنس لعرض إعلانات داخل الصفحات، والخدمتين بيخضعوا لسياسات جوجل المعلنة وبيستخدموا كوكيز خاصة بيهم؛ تقدر تتحكم في كوكيز الإعلانات من إعدادات جوجل أو متصفحك.
حقوقك وتواصلنا
تقدر تطلب مسح حسابك وبياناته أو تصحيحها في أي وقت من صفحة التواصل، وهننفذ الطلب بعد التحقق من هويتك كصاحب الحساب.